ياربعي والرفقةالجميلة قلبي ابداّ ما نساكــم
وكم مشينا دروبٍ معكم بالعطاء ماهي قليلـه
كنا ثلاثين وثلاث سنين مع بعض وجداكــم
عشرةٍ وتبقى صادقة وتحمل معانينا الاصيــله
في سلاح المدفعية والزمن يحلى معاكــم
تحت راية جيشنا وبالعزّ راياته جليــله
جيش سلطان العُروبة بالوفاء يسمو سماكــم
جيش البسالة جيش فخر ٍ بالعطاء روحه نبيلــه
كنا نبدّع بالفعايل وإن تحزمنا برجاكــم
لا تعبنا من مهمّة ولا عرفنا المستحيلــه
خطوتي تمشي ودايم هالمحبّة في رضاكــم
والمواقف تشهد إن الروح لرفاقي أصيلــه
واليوم لو إني تقاعدت ابتظل روحي معاكم
ما تغيّر حب صادق والوصل هو الوسيلــه
القلوب اللي عرفناها على الودّ ارتضاكــم
تبقى دايم وأعتبرها وصلة الخل لخليله
يا رفاق الدرب وانتوا ما تردوا اللي انتخاكم
ويا شهود العمر أنتم للوفا أكبر دليــله
كم ليالي جمّعتنا والابتسامة في لقاكم
وكم صباحٍ نبتدي فيه المهمّه المستحيلة
وكم تعاهدنا على القمّة ووصلناها معاكم
وكم موقف يثبت العشرة وهي اغلى وسيلة
وأخصه هلال وتفرد فالمعالي وهو وياكــم
نعم بالرحبي أبو بدر ٍ وأفعاله دليلــه
مبروك يا صقر المعالي رتبةٍ تسمو معاكــم
ضابطٍ يستاهل المجد بتفوّق له حصيلــه
من تعب.. من جدّ.. من بذلٍ ومن عزم بنباكــم
يا رفيقي جعل درب الخير قدّامك سبيلــه
ألف مبروك التخرّج وألف دعوة من شذاكــم
جعل ربي يفتح أبواب النجاح بكل حيلــه
والختام إنتم رفاقي والمحبّة من عطاكــم
تبقى في قلبي كما كانت… وفاء صافي نبيلــه
