غناتي وعافية قلبي يا امي يا سراج البيت
ياروحي ويا وطن عمري وذاتي واجمل سنيني
يا أمي لو تهادوا العمر لك عمري أنا أهديت
ويرخص لأجلك الغالي يا قلبي ويا ضياء عيني
تعلمت الوفاء منك وعلى إيدك أنا تربيت
يا أعظم حب يحويني ويسري في شرايني
أبي منك العذر يا أمي إذا في يوم أنا أخطيت
و عندي رضاك بالدنيا ودعائك لي يعافيني
ولو سافرت عن عينك أعود لك وأنا حنيت
وقلبي يقول و بلهفة بحنانك يا امي أرويني
يا باب كبير للجنة انفتح لي وبيه انا تهنيت
يا أمي ومن صغر سني وإيدك تحضن ايديني
أظل ف عينك صغيرة ومهما رحت ولا جيت
و حبك تدري يا أمي ؟ يقويني ويحيني
دعيت الله يبارك لك ف عمرك يا امي وتمنيت
لباسك عافية كوني .. وفدا لك كل ما فيني
